ခွေးအိပ်တောင် (ထွီဖါးဝီးကျိုး) (သို့မဟုတ်) ပွိုင့် - ၄ဝ၄၄ တိုက်ပွဲ - အပိုင်း (၃)

ဆောင်းပါးရှင် - မန်းရောဘတ် ဘဇန်

စစ်တောင်ပံ နှစ်ခုဖြစ်သော (နော်တ) နှင့် (မယ်ပ) တို့၌ တပ်ရင်း၊ တပ်ဖွဲ့၊ စစ်ကြောင်း အသီးသီးတို့ နေရာယူထားကြပြီး ဖြစ်သည်။ မိမိတို့စစ်ကြောင်းလည်း အစီအစဉ်အတိုင်း စစ်ကြောင်းကြီး ချီတက်ပါပြီ။ ဒီဇယ်စက်လှေကြီး (၄) စီးနှင့် စစ်သည်၊ ဝန်ထမ်းများ၊ ရိက္ခာ၊ အရံကျည်များကို တင်ဆောင်လျှက် ချီတက်သွားကြပြီး မြစ်ဆုံကို ကျော်လာစဉ် သံလွင်မြစ်အတိုင်း စုန်ဆင်းလာရာ (မယ်လဲ့ထာ) (ကေး) အရောက် ရန်သူမှ (၁၂ဝ) မမ စိန်ပြောင်းကြီးနဲ့ (ရ၅) မမ နောက်ပွင့် လက်နက်ကြီး တို့ဖြင့် ဆီးကြိုနှုတ်ဆက်ကာ လှမ်းပစ် ပါတော့သည်။

စက်လှေများ ကမ်းကပ်ကြပြီး (မယ်လဲ့ထာ) တောင်ကြောပေါ်သို့ တက်ရောက်ပြီး နေရာချရသည်။ ကျောင်းသားတပ်မတော် တပ်ရင်းမှူး ကိုတင်စိုးအား “ဟိုတောင်ကြောမှာ ပွိုင့် (၂၅ဝဝ) ရှိတယ်၊ အဲဒီကနေ တို့ကို (ရ၅) မမ နောက်ပွင့်ရိုင်ဖယ်နဲ့ လှမ်း ပစ်နိုင်တယ်၊ ရဲဘော်တွေ ဒီည ပစ်ကျင်းတွေ အပြီး တူးကြရမယ်။ နောက် အလင်းရောင်ပေါ်ရင် (Overhead) အတွက် သစ်လုံးတွေဖြတ်၊ ခေါင်ကတုတ်လုပ်ကြ” ဟု ညွန်ကြားပြီး မိမိစစ်ကြောင်းရုံး ထားရန် နေရာကို ရှာသည်။ သံလွင်မြစ်ဇောင်း၊ လုံခြုံသည့်နေရာ၌ ဝန်ထမ်း များကို နေရာချရသည်။

စစ်သည်၊ ဝန်ထမ်း (၅ဝဝ) နီးပါးအတွက် ထမင်းချက်ရန် နေရာချပြီး တပ်ခွဲအားလုံးမှ ထမင်းလာယူရန် စီစဉ်သည်။ ကရင်အမျိုးသား လွတ်မြောက်ရေး တပ်မတော်မှ တပ်မဟာ (၂)၊ အထူးပြောက်ကျားတပ်ဖွဲ့၊ ကရင်နီ လူမျိုးပေါင်းစုံ လွတ်မြောက်ရေး တပ်ပေါင်းစု တပ်ခွဲများသည် တပ်ရင်း (၂ဝ) စစ်ကြောင်းနှင့် လက်ချင်းချိတ်ရန် လူခွဲလိုက်သည်။ ကျောင်းသားတပ်မတော် တပ်ခွဲအား မိမိနားတွင် တပ်ချထားလိုက်သည်။ (ထွီဖါးဝီးကျိုး) (ခွေးအိပ်တောင်) (ပွိုင့်-၄ဝ၄၄) စစ်ဒေသကြီး တစ်ခုလုံးသည် ရန်သူ့ကျူးကျော် ရန်စမှုကို ခုခံကာကွယ်ရန် စစ်ကြောင်းများ အသီးသီး နေရာယူပြီးကြပါပြီ။

(ဗဟိုကွန်မန်ဒို) တပ်ရင်း တပ်ရင်းမှူး ဒုတိယဗိုလ်မှူးကြီး ဘောကျော်ဟဲ၊ (ယခုတပ်မဟာ (၅) တပ်မဟာမှူး၊ ဗိုလ်မှူးချုပ်) ကျောင်းသား တပ်မတော်တပ်ရင်း (၂ဝရ)၊ (၂ဝဂ)၊ ကရင်အမျိုးသား လွတ်မြောက်ရေးတပ်မတော် တပ်မဟာ (၁) (၂) (၃) (၆) (ရ) မှ တပ်ခွဲများ၊ စစ်ကြောင်းများ၊ ရခိုင်ပြည် လွတ်မြောက်ရေးတပ်မတော်မှ တပ်ဖွဲ့များ၊ ဒီမိုကရေစီ အင်အားစုများ၏ အရံတပ်ဖွဲ့များဖြင့် လိုအပ်သော နေရာများ၌ တပ်နေရာ အသင့် နေရာယူထားကြပြီး ဖြစ်ပါသည်။

ရန်သူချီတက်လာရာ လမ်းကြောင်းတလျှောက်တွင် ဒေသခံ ပြောက်ကျားတပ်ဖွဲ့များမှ အစီအစဉ်အတိုင်း လှုပ်ရှားနေကြသဖြင့် ရန်သူသည် ရည်မှန်းချက် မရောက်မှီ အကျအဆုံး များနှင့် ရင်ဆိုင် တွေ့ကြုံနေရပါပြီ။ တပ်ဖွဲ့အားလုံးလည်း မိမိရှေ့ မျက်နှာမူရာဘက် ပစ်ပိုင်နယ်များ သတ်မှတ်ခြင်း၊ မိုင်းထောင်ခြင်း၊ ဆက်သွယ်ရေးမြောင်း၊ ပစ်ကျင်းတူးခြင်း၊ ခေါင်ကတုတ်ဆောက်ခြင်းများ ပြုလုပ်နေကြပါပြီ။ မိမိတို့ အနေနှင့် ပြင်ဆင်ချိန်များစွာ ရနေပါသည်။

မိမိ၏ ဒုတိယစစ်ကြောင်းမှူးသည် ရဲဘော်များနှင့် ဟန်ချက်ညီ လုပ်စရာ ကိုင်စရာများကို လုပ်ကိုင်နေပါသည်။ မိုင်းထောင်ခြင်း၊ ပစ်ကျင်း၊ ဆက်သွယ်ရေးမြောင်းတူးခြင်း၊ ဝါးခုတ် ခြံစည်းရိုးကာခြင်းများ ပြုလုပ်နေသည်။ မိမိတို့ စစ်ကြောင်းရုံး အဖွဲ့ဝင်များလည်း မိမိတို့၏ လုံခြုံမှုအတွက် လုပ်ကိုင်နေကြပါသည်။ မိမိနေရာအား ကျောက်တုံးကြီး နောက်ဖက်တွင် အရံကျည်၊ မိုင်းဗုံး၊ ရှေ့ထွက်မိုင်း ထားရန်နှင့် မိမိနေရန် တူးထားပြီး ဖြစ်သည်။

ထို့နောက်တွင် “ရန်သူ ခမရ (၁ဝ) စစ်ကြောင်း မိမိတို့ရှေ့ကို လာနေကြောင်း၊ နောက်နာရီ အနည်းငယ်အတွင်း အလုပ်အကိုင် ဖြစ်နိုင်ကြောင်း” ကြားဖြတ်တာဝန်ခံမှ လာရောက် သတင်းပေးသည်။ မိမိမှ မိမိ၏ ဒုတိယစစ်ကြောင်းမှူးအား -

“ကီးဒိုမှ တီးမသေ၊ အသံကောင်းလား”

“အသံ - ၅”

“မင်းတို့ရှေ့ မကြာခင် ရထားမာလာ ဦးစီး မ - ၁ဝ ဝင်တိုးဖို့ရှိ၊ ရထားလား”

အားလုံးအသင့်ဘဲ၊ လက်ယားနေတာကြာပြီ၊ ဒီကောင်တွေ ကျနော်တို့ သူတို့အသက်ကို မယူခင် ခြေထောက်တစ်ဖက်စီဘဲ အရင်ယူဖို့ သစ္စာရှိ မိုင်းစစ်သည်တွေကို တာဝန် ပေးထားတယ်”

“ကောင်းပြီ အကောင်းဆုံးလုပ်”

ဟု ညွန်ကြားပြီး (Sony) ကြားဖြတ်စက်ဖွင့်ကာ နားထောင်နေသည်။ မကြာမှီ သစ္စာရှိ မိုင်းစစ်သည်တစ်ယောက် အလုပ် လုပ်ပါပြီ၊ “ဝုန်း” နှင့် တဆက်ထဲ လက်နက်ငယ်သံများပါ ဆူညံစွာ ထွက်ပေါ်လာတော့သည်။ မိမိရဲဘော်များ ပွဲဦးထွက် ရန်သူနှင့်စတင်၍ ထိတွေ့မှုဖြစ်ပါသည်။ လက်နက်ကြီးများပါ လုပ်ကိုင်လာသည်။ ရှေ့တန်း မိမိရဲဘော်များထံပါ မက မိမိရှိနေရာ တောင်ကြောပေါ်သို့ပင် ကျလာပါပြီ။ နာရီဝက်ကြာ အပြန်အလှန် ပစ်ခတ်ကြပြီး ရန်သူပြန်ဆုတ်သွားသည်။

“တီးမသေ ဘာထူးလဲ”

“မိမိ အထိအခိုက်မရှိ၊ ကျောပိုးအိတ် (၁ဝ) လုံး၊ စစ်ချပ်ဝတ်တန်ဆာ (၁ဝ) စုံ ရရှိ၊ ကရင်အခေါ် “သေကု” (စကားဝှက်) လက်နက် တစ်လက်မှ မရ”

“စောင့်နေ၊ လာပေးဦးမယ်”

မကြာပါ။ သေနတ်သံများ ဆူညံစွာ ပေါ်ထွက်လာပြန်သည်။ ဘက်နှစ်ဘက်၏ ပစ်ခတ်သံများဖြင့် တလောကလုံးကို အရုပ်ဆိုး အကျည်းတန် သွားစေပါတော့သည်။

“ခွေးမသားတွေ၊ မအေလိုးတွေ၊ ဗုံးတွေဘဲ နင်းထောင်ထားတယ်”

ရန်သူ့ဆဲသံများ။ မိမိဒုတိယစစ်ကြောင်းမှူးမှ -

“မိတ်ဆွေ၊ တို့က ဘာသာတရားကို ကိုင်းရှိုင်းတယ်၊ လေးစားတယ်၊ ဗုဒ္ဓတရားတော်မှာ (ပါဏာတိပါတကံဆောင်၊ သူ့အသက်ကိုသတ်ခြင်းမှ ရှောင်ကျဉ်” ဖို့ သွန်သင်ထားသလို ခရစ်ယာန်ဘာသာကလဲ “ Thou shall not kill ” လို့ သွန်သင်ထားတယ်။ မင်းတို့ကို မသတ်ဘူး၊ လူသားချင်း မေတ္တာစိတ်နဲ့ ခြေတဖက်ဘဲ ယူတယ်ဟေ့” ဟု လှမ်းပြောလိုက်ရာ သေနတ်သံများ ဆူညံသွားပြန်သည်။ ရန်သူကို မဆဲရန် မိမိစစ်ကြောင်းတွင် ညွှန်ကြားချက် ထုတ်ထားပါသည်။

မှတ်ချက်။

မိမိစစ်ကြောင်းရှိ စက်အများစု အမည်ကို သမ္မာကျမ်းစာရှိ တမန်တော်များ၏ အမည်ကို မှည့်ခေါ်ထားပါသည်။ မိမိစက်အမည် (ကီးဒို)၊ ဗိုလ်မှူးထီးမူး စက်အမည် (တီးမသေ)၊ မိမိသား ဗိုလ်ချာတိတ် စက်အမည် (လုကာ)၊ ဗိုလ်ဥာဏ်ထွန်း စက်အမ (မိုရှေး)၊ ဗိုလ်တိုးတိုး စက်အမည် (တီးတူ)၊ ဗိုလ်တင်စိုး စက်အမည် (မသဲ) စသည်တို့ ဖြစ်ကြသည်။

စည်းလုံးခြင်းရဲ့ အင်အား မှကူးယူတင်ပြသည်

ခွေးအိပ်တောင် (ထွီဖါးဝီးကျိုး) (သို့မဟုတ်) ပွိုင့် ၄ဝ၄၄ - တိုက်ပွဲ - အပိုင်း(၂)

ဆောင်းပါးရှင် - မန်းရောဘတ် ဘဇန်

နောက်နေ့ ဗိုလ်ချုပ်မောင်မောင် (ကွယ်လွန်) မှ “ကျောင်းသားတပ်ဖွဲ့ ရောက်ပြီ လိုအပ်ချက်များ လာရောက် စီစဉ်ရန်” အကြောင်းကြားလာ

သဖြင့် မိမိသွားတွေ့သည်။ ကျောင်းသား တပ်မတော်မှ ရဲဘော်များက ပွဲကြီးပွဲကောင်းဆင်နွှဲရတော့မည် ဖြစ်သဖြင့် စိတ်ဓါတ် တက်ကြွနေကြသည်။ သို့သော် (M-16) များသာ ပါလာသည်။ ပါလာသော လက်နက်ငယ် များမှာ အလုပ်မဖြစ်သည်က များနေသည်၊ ထို့ကြောင့် ကိုဥာဏ်ထွန်းကို ခေါ်၍ လက်ထောက် စစ်ထောက်ချုပ်ထံ သွားသည်။ (M-16) ပြောင်းသစ်များ လဲသည်။ (M-79 - RPG) အလက်၊ အသီးများ ထုတ်သည်။ စစ်ချပ်စစ်ပစ္စည်းများ ထုတ်သည်။ အစားအသောက်များ ထုတ်သည်။ လွှနှင့် ပေါက်တူး ပေါက်ပြားများ ထုတ်သည်။ မကျန်းမာသူများကို ဆေးရုံပို့သည်။ ဆေးမှူးအား လိုအပ်သော ဆေးပစ္စည်းများ ထုတ်စေသည်။ ကျည်များ ဖြည့်သည်။ လက်နက်ငယ်တစ်လက် ကျည် (၃ဝဝ) စီ ဖြည့်ခိုင်းသည်။ လက်ပစ်ဗုံး၊ ရှေ့ထွက်မိုင်း၊ နင်းမိုင်း အစုံအလင်ထုတ်ပေးသည်။ အားလုံး စုံလင်သလောက် ရှိပါပြီ။

ဗဟိုစစ်ဦးစီးဌာနချုပ်ရှိ ဗိုလ်မှူးဘော်ကျော်ဟဲဦးစီး ကွန်မန်ဒိုတပ်ရင်း တစ်ရင်းလုံး၊ ကျောင်းသားတပ်မတော် တပ်ရင်း (၂ဝရ)၊ (၂ဝ၈)၊ (၂ဝ၉) တပ်ရင်းများ၊ တပ်မဟာ(ရ) လက်အောက်ခံ တပ်ရင်း (၁၉)၊ (၂ဝ)၊ (၂၁)၊ (၂၂) တပ်ရင်းများ၊ (PLF) (People’s Liberation Front) (ပြည်သူ့လွတ်မြောက်ရေးတပ်ဦး တပ်ဖွဲ့များ၊ (NLD-LA) မှ တပ်ဖွဲ့များ၊ တပ်မဟာ (၂) (၃) (၆) မှ တပ်ဖွဲ့များ၊ ကရင်လူငယ် (KYO) လူငယ်များ၊ (KWO) အမျိုးသမီးများ၊ ကော်သူးလေ အထက်တန်း ကျောင်းသူ ကျောင်းသားများ၊ ဗိုလ်မှူး ဝေါထယ် (တတိယနိုင်ငံရောက်) ဦးစီးသော ပြောက်ကျားတပ်ဖွဲ့၊ ဗိုလ်ကြီးစောအဘီး (ကွယ်လွန်) ဦးစီးသော အထူးပြောက်ကျားတပ်ဖွဲ့၊ ဗဟိုလက်နက်ကြီးတပ်ဖွဲ့၊ ဒီမိုကရေစီ အဖွဲ့အစည်း ပေါင်းစုံမှ ရဲဘော်ခေါင်းဆောင်များ၊ တပ်ပေါင်းစုံ၊ အဖွဲ့အစည်းပေါင်းစုံတို့မှ ရန်သူ့ကျူးကျော်စစ်ကို ခုခံရင်ဆိုင်ရန် ပြင်ဆင်ထားပြီး ဖြစ်နေသည်။

(ကပေါလူ) ရှိ ဗျူဟာမှူးရုံးတွင် အလုပ်ရှုပ်နေကြသည်။ ပွိုင့် (၄ဝ၄၄) နှင့် ပတ်ဝန်းကျင် သဲမြေပုံကြီးသည် ရန်သူ့စစ်ကြောင်း များ၏ ထိုးစစ်လမ်းကြောင်းများကို ပြနေသည်။ ကြားဖြတ် ဌာနတာဝန်ခံ ဗိုလ်သူလိုင်က သဲမြေပုံရှိ ရန်သူ့ထိုးစစ်ဆင်လာရာ လမ်းကြောင်း၊ တပ်အမျိုးအစားများကို ရှင်းပြနေသည်။ ဗိုလ်ချုပ် ကစယ်ဒို၊ ဗျူဟာမှူး ဗိုလ်မှူးကြီး လောဝါဒိမှ တပ်ရင်းမှူး၊ စစ်ကြောင်းမှူးများ၊ တပ်ဖွဲ့မှူးများကို မိမိတို့ တိုက်ခိုက်ရမည့် စစ်ဆင်ရေး ဧရိယာများအား ရှင်းပြနေသည်။

မိမိ ကီးဒို (DAB) စစ်ကြောင်းအား တပ်မဟာ (ရ)၊ တပ်ရင်း (၂ဝ) စစ်ကြောင်းနှင့် လက်ချင်းချိတ်ရန် တာဝန်ပေးလိုက်သည်။ မိမိလက်ချင်းချိတ်ရမည့် တပ်ရင်း(၂ဝ) စစ်ကြောင်းမှူးသည် တပ်ရင်း (၂ဝ) မှ ဒုတိယ တပ်ရင်းမှူးဖြစ်သည့် ဗိုလ်မှူးကျော်ဟဲ ဖြစ်သည်။ သူသည် မျိုးချစ်စိတ်ရှိပြီး တိုက်ရည်ခိုက်ရည် ဝနေသော တပ်မှူးတစ်ဦး ဖြစ်သည်။ တပ်ရင်းမှူးမှာ ဒုတိယ ဗိုလ်မှူးကြီး နော်တော့ ဖြစ်ပါသည်။

ကီးဒို (DAB) စစ်ကြောင်း

မိမိစစ်ကြောင်းတွင် ကျောင်းသားတပ်မတော် တပ်ရင်း (၂ဝ၄)၊ (၂ဝ၅) ဖြင့် ဖွဲ့စည်းထားသော (၂၁၆) တပ်ရင်းမှ ကိုတင်စိုး (မဆလတပ်ထွက်) ဦးစီးသော (ABSDF) ကျောင်းသား တပ်မတော်မှ တပ်ခွဲတစ်ခွဲ၊ ဗိုလ်ကြီး စိုးအောင် ဦးစီးသော (ကလလတ - ကရင်နီလူမျိုးပေါင်းစုံ လွတ်မြောက်ရေးတပ်ပေါင်းစု) မှ တပ်ခွဲတစ်ခွဲ၊ ဗိုလ်ကြီး ကမော် ဦးစီး တပ်မဟာ (၂) မှ တပ်ခွဲတစ်ခွဲ၊ ဗဟိုစစ်ဦးစီးဌာနချုပ်၊ အထူးပြောက်ကျားတပ်ဖွဲ့ ဗိုလ်မှူး ထီးမှူး ဦးစီး တပ်ခွဲတစ်ခွဲ၊ မိမိစစ်ကြောင်းရုံးတွင် မိမိသား ဗိုလ်လှထွန်းဦး (ဗိုလ်ချာတိတ်) ဗိုလ်သင်တန်း အပါတ်စဉ် (၃) ဆင်း (ဗိုလ်မှူးကြီး အေးမြင့် ပို့ချပေးသော သင်တန်းအပါတ်စဉ် ဖြစ်သည်) ဦးစီး တပ်စုတစ်စုတို့ဖြင့် ကီးဒို (DAB) စစ်ကြောင်းကို ဖွဲ့စည်းထားပါသည်။

စစ်ကြောင်း တပ်ရေးဗိုလ်ကြီးအဖြစ် (ABSDF) မှ ကိုဥာဏ်ထွန်း၊ တပ်ထောက်ဗိုလ်ကြီး အဖြစ် (ABSDF) မှ ကိုကျော်ဆွေ (မဆလတပ်ထွက်)၊ စစ်ကြောင်းရုံး တပ်စုတွင် (၆ဝ) မမ တာဝန်ခံ ကျောင်းသားတပ်မတော်မှ ကိုညိုမင်းထွန်း (မွတ်ဆလင်) (မဆလတပ်ထွက်)၊ စစ်ကြောင်း (ဆသရ)၊ (ကြားဖြတ်)၊ (လက်နက်ကြီး)၊ (ဆေး) အဖွဲ့ ဟူ၍ ဖွဲ့စည်းထားသည်။ ဆေးအဖွဲ့ ဒုတိယ ဆေးတာဝန်ခံမှာ (ABSDF) မှ ကိုထွန်းထွန်းဦး (မောင်ခိုင်စွပ်)နှင့် ဆေးအဖွဲ့ဝင် ရဲဘော်မောင်တူး (စာရေးဆရာ) ယခု ((DVB) အသံလွင့်ဌာန) တို့ ဖြစ်ကြသည်။

ရှေ့တန်း ကျောင်းသားတပ်မတော် တိုက်ခိုက်ရေး တပ်ဖွဲ့များအတွင်း တပ်စုမှူး ကိုကြည်ဝင်း (မဆလတပ်ထွက်)၊ တပ်စုမှူး ကိုခင်စိုး (မဆလတပ်ထွက်)၊ တပ်စုမှူး ကိုမှတ်ကြီး (မဆလတပ်ထွက်)၊ တပ်စိတ်မှူး ကိုအောင်ဝင်းကြီး (မဆလတပ်ထွက်)၊ တပ်စိတ်မှူး ကိုဇော်လှိုင်ဝင်း (ရဲထွက်) တို့ဖြင့် ဖွဲ့စည်းထားသည်။ စစ်ကြောင်းသည် တပ်ပေါင်းစုံမှ တပ်ခွဲ များဖြင့် ပူးပေါင်းဖွဲ့စည်းထားသဖြင့် လက်နက်တပ်ဆင်မှု မတူကြပေ။ တချို့တပ်ခွဲများတွင် လက်နက်ကြီး (RPG - စက်လတ်) များစွာ ရှိပြီး ကျောင်းသားတပ်မတော်နှင့် တပ်မဟာ (၂) တပ်ခွဲများ၌ လက်နက်ကြီးအင်အား နည်းနေသည်။ ဟန်ချက်ညီ တိုက်နိုင်ရန်အတွက် တနေ့တွင် စစ်ကြောင်း အရေးပေါ် အစည်းအဝေးကို ခေါ်ယူသည်။

“ကျနော်တို့စစ်ကြောင်းဟာ တပ်ပေါင်းစုံ၊ အဖွဲ့ပေါင်းစုံ၊ လူမျိုးစုံနဲ့ ဖွဲ့စည်းထားတော့ ပြည်ထောင်စု အငယ်စားလေးနဲ့ တူတယ်ဗျ။ စစ်ကြောင်းအတွင်း စည်းလုံးညီညွတ်မှုနဲ့ ဟန်ချက်ညီ တိုက်နိုင်ဖို့ တန်းတူရေးနဲ့ ဒီမိုကရေစီရေးကို အခြေခံကျကျ ကျင့်သုံးရမယ်။ တစ်ဖွဲ့က လက်နက်ကြီး အင်အားတောင့်ပြီး တစ်ဖွဲ့က အားနည်းနေလို့ မရဘူး။ တန်းတူညီမှု လိုတယ်။ ကျနော်တို့ ကရင်အမျိုးသား လွတ်မြောက်ရေး တပ်မတော်က အိမ်ရှင်လည်း ဖြစ်တယ်၊ အင်အားလည်းကြီးတော့ အားနည်းနေတဲ့ ညီနောင်တပ်ခွဲတွေကို အားဖြည့်ရမယ်” ဟု ပြောပြီး မိမိ၏ ဒုတိယစစ်ကြောင်းမှူး ဗ်ိုလ်မှူးထီးမူးအား (RPG)၊ (စက်လတ်) (စကားပြောစက်) များအား မျှဝေပေးလိုက်ရန် ညွှန်ကြားလိုက်သည်။ ဗိုလ်မှူးထီးမှူးလည်း ဆက်လက်လှုပ်ရှားလိုက်သဖြင့် တပ်ခွဲများအတွင်း (RPG) (စက်လတ်) နှင့် (စကားပြောစက်) များ ညီမျှသွားတော့သည်။

“တန်းတူမှု၊ စေတနာထားမှုနှင့် တစ်ဦးနှင့်တစ်ဦး ယုံကြည်မှုသည် လုပ်ငန်းများ၏ အခြေခံ လိုအပ်ချက်နှင့် အောင်မြင်မှု၏ မူလဇစ်မြစ်” ဖြစ်ပါသည်။

မိမိစစ်ကြောင်းတွင် ဗဟိုစစ်ဦးစီးဌာနချုပ်မှ တွဲဘက်ထားသော လက်နက်ကြီးတပ်ဖွဲ့ ပါဝင်သည်။ (၆၀) မမ စိန်ပြောင်း၊ (၈၁) မမ စိန်ပြောင်း၊ (၈၂) နောက်ပွင့်ရိုင်ဖယ်နှင့် (.၅) စက်ကြီးလည်း ရှိသည်။ စစ်ကြောင်းအတွက် ထမင်းချက်၊ ဟင်းချက်ရန် အပျော်တမ်း ဝန်ထမ်း (၂ဝ) ဦး ရှိပါသည်။

မှတ်ချက်။

မိမိစစ်ကြောင်းတွင် မဆလတပ်ထွက် အများအပြား ပါဝင်သည်။ သူတို့သည် တစ်ချိန်က မိမိရန်သူများ ဖြစ်ခဲ့ကြသည်။ သို့သော် (၈) လေးလုံး ပြည်သူ့ဒီမိုကရေစီ တော်လှန်ရေးမှ ဖွားမြင်လာသော ပြည်သူ့သားကောင်းများ ဖြစ်လာသဖြင့် မိမိနှင့် ဘဝတစ်ခုထဲ ဖြစ်လာကြသည်။ မိမိအပေါ် ယုံကြည်မှု အပြည့်ရှိသလို မိမိမှလည်း ၄င်းတို့ကို ယုံကြည်မှု အပြည့်ရှိသည်။ ညီအစ်ကိုရင်းထက် ပို၍ အဆင့်မြင့်သော ရဲဘော်ရဲဘက်များ ဖြစ်လာကြသည်။ မိမိငရဲပြည် သွားရင်တောင် လိုက်မည့် ရဲဘော်များ ရှိကြသည်။ (ကရင် - ဗမာ) ဟူ၍ လူမျိုးရေးအစွဲ မရှိကြတော့၊ အာဃာတ မထားတော့၊ မုန်းတီးမှုတွေ မရှိတော့။ ကီးဒို (DAB) စစ်ကြောင်း အောင်လံတော်အောက်ရှိ အမျိုးသား ဒီမိုကရေစီ တော်လှန်ရေးကြီးတွင် တစ်ခရီးထဲ သွားနေကြသော ပြည်ချစ်စစ်သည်တော်များ ဖြစ်လာကြသောကြောင့် ဖြစ်ပါသည်။

မောင်ခိုင်စွပ် (ကိုထွန်းထွန်းဦး) သည် သားလိုချစ်ရသော ကျောင်းသားတပ်မတော်မှ ချစ်ရဲဘော် တစ်ဦးဖြစ်သည်။ ချစ်စနိုးဖြင့် နံမည်အသစ် မှည့်ခေါ်ထားခြင်းဖြစ်သည်။ သူက မွတ်ဆလင်ပုံ နည်းနည်း ဆင်နေသဖြင့် ၄င်း၏မိဘရင်းမြစ်များကို မေးမြန်းမိသည်။ အဖေက ကုလားဗမာ၊ အမေက ရခိုင်လို့ သိရတော့ “ဟေ့ ထွန်းထွန်းဦး၊ မင်းကသွေး (၃) မျိုးပါတော့ မင်းကို ဗမာသွေးပါလို့ (မောင်)၊ ရခိုင်သွေးပါလို့ (ခိုင်)၊ ကုလားသွေးပါလို့ အီစွပ် (စွပ်)” ဒ့ါကြောင့် မင်းကို “မောင်ခိုင်စွပ်”လို့ ခေါ်မယ်ဟု ပြောပြီး စစ်ဆင်ရေးကာလ တလျှောက်လုံး ဤသို့သာ ခေါ်ခဲ့သည်။

စည်းလုံးခြင်းရဲ့ အင်အား မှကူးယူတင်ပြသည်

ခွေးအိပ်တောင် (ထွီဖါးဝီးကျိုး) (သို့မဟုတ်) ပွိုင့် - ၄ဝ၄၄ တိုက်ပွဲ - အပိုင်း(၁)

တိုင်းပြည်မဲ့နေတဲ့လူမျိုးဟာ ကျွန်ဘဲ” (ဥက္ကဌကြီး စောဘဦးကြီး)

ဆောင်းပါးရှင် - မန်းရောဘတ် ဘဇန်

ဗဟိုစစ်ဦးစီးဌာနချုပ် (မာနဲပလော) ၁၉၉၃ - ၉၄၊ ခုနှစ် ...

မာနဲပလောအောင်မြေသည် ဒေါနတောင်နှင့် သောင်ရင်းမြစ်ကြား၊ သံလွင်မြစ်နှင့် သောင်ရင်းမြစ်ဆုံ အထက်တွင် တည်ရှိပါ သည်။ ကေ၊အဲန်၊ယူ ဗဟိုဌာနချုပ်၊ (KNLA) (Karen National Liberation Army) ကရင်အမျိုးသား လွတ်မြောက်ရေး တပ်မတော် စစ်ဦးစီးဌာနချုပ်တို့ တည်ရှိသော အခြခံစခန်းကြီး ဖြစ်သည်။ (KNDO) (Karen National Defense Organization) (ကရင်အမျိုးသားကာကွယ်ရေးအစည်း အရုံး) ဌာနချုပ်လည်း ရှိပါသည်။

ဖထီး မန်းရောဘဇန်

ထို့အပြင် (NLD-LA) (National League For Democracy - Liberated Area) (အမျိုးသားဒီမိုကရေစီ အဖွဲ့ချုပ်) (လွတ်မြောက်နယ်မြေ) ဌာနချုပ်၊ (DAB) (Democratic Allaince of Burma) (မြန်မာပြည်ဒီမိုကရေစီ မဟာမိတ်အဖွဲ့ချုပ်) ဌာနချုပ်၊ (NDF) (National Democratic Front) (အမျိုးသားဒီမိုကရေစီတပ်ပေါင်းစု) ဌာနချုပ်၊ (DPNS) (Democratic Party for New Society) (လူ့ဘောင်သစ်ဒီမိုကရက်တစ်ပါတီ) ဌာနချုပ်၊ (ABSDF) (All Burma Student’s Democratic Front) (မြန်မာနိုင်ငံလုံးဆိုင်ရာ ကျောင်းသားများတပ်ဦး) ဌာနချုပ်၊ (PLF) (People’s Liberation Front) (ပြည်သူ့ လွတ်မြောက်ရေးတပ်ဦး) ဌာနချုပ်၊ (NCGUB) (National Coalition Government of Union of Burma) (ပြည်ထောင်စု မြန်မာနိုင်ငံအမျိုးသားညွန့်ပေါင်းအစိုးရ) ဌာနချုပ်၊ (NCUB) (National Council of Union of Burma) (ပြည်ထောင်စု မြန်မာနိုင်ငံအမျိုးသားကောင်စီ) ဌာနချုပ်၊ (ABYMU) (All Burma Young Monk Union ) (ရဟန်းပျိုသမဂ္ဂ) ဌာနချုပ် များလည်း ရှိသည်။

(KYO) (Karen Youth Organization) ကရင်လူငယ် အစည်းအရုံး၊ (KWO) (Karen Women Organization) ကရင် အမျိုးသမီး အစည်းအရုံး၊ အတွင်းရေးမှူးချုပ်ရုံး၊ သစ်တောဌာန၊ ပညာရေးဌာန၊ မိုင်းဌာန၊ တရားရေး ဌာန၊ ဧည့်ဂေဟာ၊ စစ်ဆေးရုံ၊ စစ်သင်တန်းဌာန၊ ဘုရားရှိခိုးကျောင်း၊ ဘုန်းကြီးကျောင်း၊ လက်နက်ကြီးကုန်း၊ ဆက်သွယ်ရေး ဌာန၊ စစ်ရုံးချုပ်၊ စစ်အချုပ်၊ ရိက္ခာဂိုဒေါင်များ၊ ကွန်မန်ဒိုကုန်း၊ အစည်းအဝေးခန်းမ၊ စစ်တန်းလျားများ အပြည့်အစုံရှိသည့် ဌာနချုပ်ကြီးပင် ဖြစ်သည်။

သည့်နောက် ရပ်ကွက်များလည်း ရှိပြန်သည်။ (လောကွားလူ) (ကပေါလူ) (ထူးဝါးလူ) (ပဟီလူ) (ဖွေးဘောလူ) (ဖူးမြလူ) (ထီးသေဃီ) (ယာဒေးနီ) စသည့် ရပ်ကွက်များ ရှိကြသည်။ (KNDO) ဌာနချုပ်နားတွင် အာဇာနည်များ ဗိမ္မာန်လည်း ရှိသည်။ ထိုနေရာတွင် ကွယ်လွန်သွားပြီ ဖြစ်သော မိမိ၏ မိဘနှစ်ပါးစလုံးကို မြုပ်နှံထားပါသည်။ အထက်တန်းကျောင်းများ၊ (ဖူးရသေ့) ၏ တိုင်းရင်းဆေးကျောင်းလည်း ရှိသည်။ ထို့ပြင် လက်နက်ကြီး အခြေခံစစ်သင်တန်း၊ ဗိုလ်သင်တန်းကျောင်းတို့ ရှိသည်။

တပ်ရင်း (၁၂)၊ တပ်မဟာ (၄) မှ “မာနဲပလော” ဗဟိုဌာနချုပ်သို့ ပြည်ရောက်ပြီး ဗိုလ်ချုပ် စောမောင်မောင် စစ်ကော်မတီအတွင်းရေးမှူး၏ (DAB) (Democratic Alliance of Burma) တွင် မိမိအား တာဝန်ပေးခြင်းကို ခံရသည်။ ဗိုလ်ချုပ်စောမောင်မောင် (ကွယ်လွန်) အား သတင်းပို့ပြီးနောက် နေရန်အိမ် မရှိသေးသဖြင့် ဗိုလ်ချုပ်ကြီး စောဗိုလ်မြအား အိမ်လိုကြောင်း သတင်းပို့ရာ သစ်တောဌာနတာဝန်ခံ အောင်ဆန်း (လက်နက်ချ) အား အိမ်တစ်ဆောင်စာ သစ်တိုက်ပေးရန် ဗိုလ်ချုပ်ကြီးမြမှ ညွှန်ကြားလိုက်ပါသည်။

(ကပေါလူ) တွင် အိမ်ဆောက်ရန်နေရာကို မိမိသားများ၊ ရဲဘော်များနှင့် မြေညှိခြင်း၊ နေရာရှင်းခြင်းတို့ကို ပြုလုပ်ရပါသည်။ ရန်သူ့သတင်း ကြားဖြတ် (Intercept) အဖွဲ့မှ ရဲဘော်များက လာရောက် ကူညီလုပ်ကိုင်ပေးကြပါသည်။ အိမ်မိုးရန် အင်ဖက်နှင့်သစ်များ မရောက်သေးပေ။ ကျနော်သည် (DAB) စစ်ကော်မတီ အတွင်းရေးမှူးရုံးတွင် တနင်္လာနေ့မှ သောကြာနေ့အထိနေပြီး စနေ၊ တနင်္ဂနွေနေ့ (Weekend) များ၌ မိသားစုနှင့် မိဘနှစ်ပါးတို့ အခြေချနေထိုင်ခဲ့သော (ကပေါလူ) တွင် ပြန်နေပါသည်။ (DAB) ရုံးတက်စဉ် ကျောင်းသားတပ်မတော်၊ သုတေသနဌာနမှ ထုတ်ဝေသော ရန်သူ့စစ်အဂါင်္စဉ်ကို လေ့လာသည်။ မိမိတို့ စစ်ဦးစီးဌာနချုပ်မှ (ကြားဖြတ်) သတင်း၊ တိုက်ပွဲအစီရင်ခံစာ များကို လေ့လာသည်။ အထူးသဖြင့် မိမိရောက်ရှိနေသော (ဗဟိုဌာနချုပ်) ဝန်းကျင်ရှိ ရန်သူ့တပ်တည်နဲ့ တပ် လှုပ်ရှားမှုများကို ဦးစားပေး လေ့လာခဲ့သည်။

ရန်သူ့အကြောင်း လေ့လာရာ၌ တပ်အမျိုးအစား၊ ဖွဲ့စည်းပုံ (W.E) စစ်အင်္ဂါစဉ်၊ တပ်တည်၊ လက်နက်တပ်ဆင်မှု၊ (စရိုက်၊ အမူအကျင့်) များကို လေ့လာရသည်။ အထူးသဖြင့် (ရတခ) အရှေ့တောင်တိုင်းတပ်များ၏ အခြေအနေ၊ ထို့နောက် တပ်မ (၆၆) နှင့် တပ်မ (၈၈) တို့၏ လှုပ်ရှားမှုများကို လေ့လာသည်။ ရန်သူသည် (မာနဲပလော) ဗဟိုဌာနချုပ်ကို အရ ထိုးစစ်ဆင် သိမ်းပိုက်ရန် ကြီးမားသော ရည်ရွယ်ချက် ထားရှိကြောင်း သိရသည်။ တပ်မ (၆၆) သည် (မာနဲပလော) ချေမှုန်းရေးအတွက် စစ်ဆင်ရေးကို တာဝန်ယူရပြီး တပ်မ (၈၈) သည် အုပ်ချုပ်မှုအတွက် (L of C) လမ်းကြောင်းတလျောက် ထောက်ပံ့ရေးနှင့် ပို့ဆောင်ရေး (ထောက်၊ ပို့) တာဝန်ယူရမည် ဖြစ်ကြောင်း သိရသည်။ တပ်မ (၆၆) အား တပ်မမှူး ဗိုလ်မှူးချုပ် အေးကျော်၊ ဒုတိယတပ်မမှူး ဗိုလ်မှူးကြီး တင်ဝင်းတို့က ဦးစီးပြီး (၆၆၁)၊ (၆၆၂)၊ (၆၆၃) နည်းဗျူဟာမှူးများမှာ ဗိုလ်မှူးကြီး အောင်သိန်း(ခန့်မှန်း)၊ ဗိုလ်မှူးကြီး စိုးဝင်းမောင်နှင့် ဗိုလ်မှူးကြီး သူရမြင့်မောင်တို့ ဖြစ်ကြသည်။ တပ်မ (၆၆) လက်အောက်ခံ တပ်များမှာ ခလရ (၁)၊ (၁၁)၊ (၁၄)၊ (ရ၅)၊ (၈ဝ) နှင့် ခမရ (၄)၊ (၅)၊ (၆)၊ (၁ဝ)၊ (၁ဝ၈) စုစုပေါင်း (၁ဝ) ရင်း ဖြစ်ပါသည်။

(အမတ) အမြောက်တပ်ရင်း (၃)၊ (၅)၊ ကွန်မန်ဒို တပ်ခွဲ (၃) ခွဲ၊ လေတပ်မှာ တရုတ်လုပ် (F-7)၊ ယူဂိုစလပ်လုပ် (G-4)၊ ဆွစ်ဇာလန်လုပ် (PC -7)၊ (PC-9) ဖြစ်သည်ဟု သိရသည်။ ရန်သူအသုံးပြုနေသော လက်နက်ကြီးများမှာ (ဂ၁) မမ၊ (၁၂ဝ) မမ စိန်ပြောင်းများ၊ (ရ၅) မမ၊ (၈၄) မမ၊ (၁ဝ၆) မမ နောက်ပွင့် ရိုင်ဖယ်များ၊ (၂၅) ပေါင်ဒါ အမြောက်ကြီးများ၊ (point -5) စက်ကြီးများ အစုံအလင် ပါသည်ဟု သိရသည်။ အထမ်းသမားပေါ်တာ ထောင်ချီ၍ ဖမ်းလာကြောင်းလည်း သိရပါသည်။

တစ်နေ့ မိမိသားများ၊ ရဲဘော်များနှင့် အိမ်တိုင်ထူနေစဉ် ဗိုလ်ချုပ်ကြီးမြမှ ၄င်းထံ သတင်းပို့ရန် မိမိစကားပြောစက်မှ ပေါ်ထွက်လာသဖြင့် ၄င်းနှင့် သွားတွေ့သည်။ “နက်ဖန် တပ်မဟာ (၆) က ကျောင်းသားတပ်ဖွဲ့ ရောက်မယ်၊ ကျောင်းသားအဖွဲ့ကို ဦးစီးပြီး (ထွီဖါးဝီး) စစ်မြေပြင်တစ်ခုမှာ နေရာသွားယူ” ဟု ပြောပါသည်။ လိုအပ်ချက်များကို မိမိဌာနမှူး ဗိုလ်ချုပ်မောင်မောင်သို့ တင်ပြလိုက်ပါသည်။ (DAB) (ကီးဒို) စစ်ကြောင်းအဖြစ် ဖွဲ့စည်းရန် လိုအပ်သော တိုက်ပွဲဝင်ပစ္စည်းများ၊ တပ်အင်အားများကို ထုတ်နုတ်ဖွဲ့စည်းရန် ဗျူဟာမှူးဖြစ်သော မိမိညီမလေး နန်းနွယ်ဇန်၏ခင်ပွန်း ဗိုလ်မှူးကြီး လောဝါဒိ (ကွယ်လွန်) အား ညွန်ကြားလိုက်ပါသည်။

စည်လုံးခြင်ရဲ့  အင်အား မှကူးယူတင်ပြသည်

ကဗျာဆရာကြီးဦးတင်မိုးက ဘိုကလေးတွင် ကရင်လူမျိူးများကို မျိုးဖြုတ်သတ်ဖြတ်မှုအကြောင်းဖွင့်ဆိုချက် ဗွီဒီယို

သောသီခိုမှ

KCA UK STATEMENT REGARDING SPDC BLOG

STATEMENT REGARDING SPDC BLOG

KNU/KNLA PEACE COUNCIL’s Response to 22nd April Deadline of Merger with Burma Army:

သောသီခိုဘလော့မှကူးယူတင်ပြသည် 

KCA UK GENERAL MEETING AND ELECTION 17 APRIL 2010

KCA UK GENERAL MEETING & ELECTION 17 APRIL 2010

KCA-UK မှ ပြည်ထောင်စုကရင်အမျိုးသားများအဖွဲ့ချုပ်သို့ ကရင်အမျိုးသားအလံအသုံးပြုခြင်းကို ကန့်ကွက်ကြောင်း ပေးပို့စာ

FOR UKL PARTY -

KCA-UK မှ UKL ပါတီ ကရင်အမျိုးသားအလံအသုံးပြုခြင်းကို ကန့်ကွက်ကြောင်း ရွှေးကောက်ပွဲကော်မရှင်သို့ပေးစာ

For Election Committee -

KNU STATEMENT ABOUT THE USAGE OF KAREN FLAG BY UKL PARTY

KNU_statement_about_Karen_Flag -

ကရင်ကွန်မြူနတီရှဲဖီး (KCA Sheffield) ၏ ရွှေးကောက်ပွဲနှုင့် လူမှုထူးချွှန်ဆုပေးပွဲကျင်းပ

ဧပြီလ ၁၀ရက်

ဆရာစောတော နှင့် ဆရာမထူးခူ ဆုယူပြီးအမှတ်တရ

ကရင်ကွန်မြူနတီရှဲဖီး၏ နှစ်ပတ်လည်အစည်းအဝေးကို ဧပြီလ ၁၀၇က် နေ့၌ ရှဲဖီးမြို့ တွင် အောင်မြင်စွာကျင်းပခဲ့ပါသည်။

အဆိုပါအစည်းဝေးတွင်ရှဲဖီးကရင်ကွန်မြူနတီမှ အဖွဲ့ ဝင်အများအပြားတက်ရောက်ကြပြီး အဖွဲ့ ၏ တနှစ်တာလုပ်ငန်းဆောင်တာများကို ပြန်လည်သုံးသပ်ကြကာ လာမည့်နှစ်အတွက် စီမံကိန်းများကို ချမှတ်ခဲ့ပါသည်။ ထို့ နောက် လာမည့်သက်တန်းအတွက် ကော်မတီဝင် အသစ်များကို လျှိုဝှက်မဲစနစ်ဖြင့် ရွှေးချယ်တင်မြှောက် ကြပါသည်။

အခမ်းအနားအစီအစဉ်အသစ်တခုအရ လူမှု့ထူးချွှန်ဆုအားချီးမြှင့်ခဲ့ပါသည်၊ ယာထားသူ ၇နှစ်ဦးအနက် အများသဘောအရ ထိုလူမှုထူးချွှန်ဆုအား တိုင်းပြည်နှင့်လူမျိူးအတွက် ကိုယ်ကျိုးမဖက်ဘဲ အနှစ်နာခံဆောင်ရွှက်ကြသော ဆရာမနော်ထူးခူ၊ ဆရာစောတော နှင့် စောဝင်းချို တို့၃ဦးအား ပေးအပ်ခဲ့ပါသည်။

The General must not be disturbed’

Than Shwe's success lies in being a 'skilled manipulator'

By BENEDICT ROGERS

Published: 12 April 2010

Burma’s Senior General Than Shwe is undoubtedly number one. Since he took power in 1992, he has consolidated his own personal position in a way that means Burma is no longer ruled by a collection of Generals, as it was from September 1988 until the mid-1990s, but by one man, Burma’s tyrant.

Evidence of this is abundant, but an illustration came when British politician Andrew Mitchell MP visited Rangoon in 2007. He asked the Deputy Foreign Minister if he could visit Aung San Suu Kyi. The Deputy Foreign Minister trembled, saying only one man could give permission: Than Shwe. “Well call him up then,” Mitchell suggested. Such an idea was enough to turn the Deputy Foreign Minister’s face pale. The Senior General must not be disturbed, he retorted.

Writing a biography of Than Shwe is far from easy. Few people know much about him, and access to him or his family, for an activist like me, is impossible. I requested an interview with him, and with the Burmese ambassador in London, but received no reply. Instead, I had to rely on anecdotes from defectors from the Burma Army who have known him at different times, during his military training, his time as South-West Regional Commander and as Senior General, and the impressions of international diplomats who have met him. I conducted extensive interviews with people such as former UN Special Envoy Razali Ismail, former British ambassador Mark Canning, former Australian, American, Japanese and Thai diplomats, and others. I also travelled to Burma, visiting Naypyidaw and talking to people in various parts of the country and along its borders about life under Than Shwe’s rule. I was told many stories, some of which I believe are true and others are impossible to verify. Rumour surrounds Than Shwe, but even if some stories are untrue, the fact that they spread says something about him and his family, and how widely disliked they are. In every rumour, there is at least a grain of truth, a flash of insight into his character and mindset.

STOP THE WAR WE WANT TO GO HOME