ကချင်ပြည်နယ် တိုက်ပွဲများအပေါ် စိတ်ပျက်နေတဲ့အရာရှိများ

စည်းလုံးခြင်းရဲ့အင်အား မှ

Monday, 08 October 2012 00:00

KIA ရှေ့တန်းတပ်စခန်းတစ်ခု

ကချင်ပြည်နယ်အတွင်းမှာ အစိုးရတပ်များနဲ့ KIA တပ်များရဲ့ တိုက်ပွဲတွေ ဖြစ်ပွားမှု အချိန်ကာလဟာ ကြာညောင်းလာတာနဲ့အမျှ ယနေ့ဆိုလျင် တစ်နှစ်ကျော်ကာလ အထိ ဖြတ်သန်းနေပြီ ဖြစ်ပါတယ်။ အဲဒီတိုက်ပွဲတွေမှာ ကြုံတွေ့ခဲ့ကြတဲ့ တိုင်းစစ်ဌာနချုပ် လက်အောက်ခံ တပ်ရင်းများ၊ စကခနှင့် တပ်မဌာနချုပ် လက်အောက်ခံတပ်ရင်းများမှ အရာရှိများဟာ နောက်တန်းသို့ ပြန်ရောက်လာချိန်မှာ မြို့ထဲစားသောက်ဆိုင်များတွင် အတူတကွ ညစာ စားသုံးရင်းနဲ့ ရင်ဖွင့်လာကြပါတယ်။ အလားတူ အရာရှိများ ထိခိုက်ဒဏ်ရာရလို့ ဆေးရုံတက်နေရင်း ဆေးရုံဝန်းကျင်ရှိ လက်ဖက်ရည်ဆိုင်များသို့ လည်ပတ်ကြရင်း သူတို့ရဲ့ခံစားချက်များကို သိရှိခဲ့ရပါတယ်။
အရာရှိများအနေနဲ့ ရှမ်းပြည်နယ်၊ ကရင်ပြည်နယ်တွင် ကြုံတွေ့နေခဲ့တဲ့ တိုက်ပွဲများနှင့်မတူပဲ ကချင်ပြည်နယ်ရှိ တိုက်ပွဲများကို ခက်ခက်ခဲခဲ ကြုံတွေ့ရကြောင်း၊ ကန့်သတ်စစ်ပွဲနဲ့ ကြုံတွေ့နေရသလို အထက်မှပေးတဲ့ အမိန့်ဟာ ပြတ်သားမှု မရှိကြောင်း၊ ရိက္ခာပို့တဲ့ လမ်းကြောင်းမှာ KIA မှ ခြုံခိုတိုက်ခိုက်ခံရလို့ ထိခိုက် ကျဆုံးရသည်များလည်း ရှိကြောင်း၊ တချို့အနေအထားမှာတော့ လမ်းကြောင်းလုံခြုံရေး ယူရာမှာ အဝေးစည်း၊ အပြင်စည်း၊ အတွင်းစည်း လက်နက်ကြီးတစ်ကမ်း လုံခြုံရေး ယူရလို့ KIA လှည့်ကင်းတပ်တွေနဲ့ ရုတ်တရက် ရင်ဆိုင်တွေ့ကာ တိုက်ပွဲဖြစ်ရကြောင်း၊ အဲဒီဖြစ်စဉ်အရ တပ်ကရော KIA ပါ ဘယ်သူ့ဘယ်သူကိုမှ “စ”တိုက်တယ်လို့ ပြောလို့မရနိုင်ကြောင်း၊ စစ်ကြောင်းတွေ စခန်းယာယီချရင်တောင်မှ ကြိုတင်ကာကွယ်တဲ့ သဘောနဲ့ ကာကင်းထုတ်ရတဲ့ သဘောရှိကြောင်း၊ စစ်နည်းဗျူဟာ သဘောအရ ချီတက်နေစဉ် လမ်းခရီးတ၀က်တပျက်တွင် ဦးတည်ရန်သူ မရှိသေးတဲ့အချိန်မှာ သင်္ကာမကင်းတဲ့နေရာတွေ့လို့ သံသယရှိလို့ မိမိဒဏ်ရာရမ မရှိစေရန် ကြိုတင် ပစ်ရှင်းရှင်းရတဲ့ သဘောလည်းရှိကြောင်း၊ ထိခိုက်ဒဏ်ရာရလို့ လူနာပို့ရင်တောင် မြေပြင်မှ မပို့ရဲတော့ပဲ ဝေဟင်မှ ရဟတ်ယာဉ်ဖြင့် ပို့ပေးရကြောင်း၊ ကချင်ပြည်နယ်တွင် အခြေပြုထားသော တပ်ရင်းများရဲ့ နောက်တန်းတပ်ရင်းဌာနချုပ်များ လုံခြုံရေးကို အထက်လူကြီးတွေက အကာအကွယ်ပေးမှု အားနည်းတာကြောင့် KIA က ၀င်တိုက်မှာစိုးလို့ ရှေ့တန်းတွင် တိုက်နေတဲ့ လင်ယောက်ျားများအဖို့ နောက်တန်းရှိ ဇနီးသားမယား မိသားစုများအပေါ် စိတ်ပူပန်နေရကြောင်း၊ တကယ်တော့ အစိုးရက ငြိမ်းချမ်းရေးဆွေးနွေးပွဲ လုပ်ချင်ပြီဆိုရင် ရှေ့တန်းစစ်မျက်နှာများတွင် တပ်အင်အားဖြည့်တင်းမှုနှင့် ရိက္ခာလက်နက်ခဲယမ်း ဖြည့်တင်းမှုတွေကို လုပ်ဆောင်ဖို့ မသင့်တော်တော့ကြောင်း၊ တိုင်းရင်းသားလက်နက်ကိုင်များက စစ်ရေးအရ ဖိအားပေးနေသည်ကိုပဲ မြင်နေကြောင်း၊ မိမိတို့က KIA နှင့် ထိပ်တိုက်တွေ့လျှင် ကိုယ့်ကိုကိုယ် ခုခံကာကွယ်လို့ ပစ်ရပါသည်ဆိုတဲ့ ဆင်ခြေနဲ့ တန်ပြန် တိုက်စစ်ဆင်ရသည်မှာ လက်တွေ့တော့ မလွယ်ကူလှပါကြောင်း၊ မပခတိုင်းမှူး ဗိုလ်ချုပ်ဇေယျာအောင်ပင် စစ်ဆင်ရေးမှာ ကွပ်ကဲမှု စီမံခန့်ခွဲရေးညံ့ဖျင်းလို့ အရာရှိ/စစ်သည်များ အကျအဆုံးများသည်ဟုဆိုပြီး ရထားဝန်ကြီးအဖြစ် ပြစ်ဒဏ်ပေးတဲ့အနေနဲ့ ဖယ်ရှားပစ်လိုက်သည်မှာ အံ့သြကြောင်း၊ သူတို့ရဲ့တပ်ရင်းမှူးများဟာ လေးလပတ် အစည်းအဝေးကျင်းပရင်တောင် ရန်သူနဲ့တိုက်ပွဲဖြစ်စဉ်များ၊ အပေါင်းအနုတ် ရလဒ်များ တင်ပြရလျှင် ထိခိုက်ကျဆုံး ဒဏ်ရာရသူများ များပြားတာမို့ အနုတ်ဂဏန်းသာ လွှမ်းမိုးနေလို့ စိတ်ညစ်နေကြကြောင်း၊ ပြင်ပနယ်ပယ်မှာ သမ္မတအမိန့် မနာခံလို့ တပ်မတော်က KIA ကို တိုက်နေပါတယ်ဆိုတဲ့ နာမည်ပျက်မှုတွေကိုလည်း ကြားသိနေရလို့ စိတ်ပျက်နေကြကြောင်း၊ ငြိမ်းချမ်းရေးရရှိဖို့ နိုင်ငံရေးနဲ့စစ်ရေး မဟာဗျူဟာများ အားပြိုင်နေတဲ့အပေါ် တပ်မတော်သားတွေဟာ သားကောင်အဖြစ် ကြုံတွေ့နေရပါကြောင်း စသဖြင့် တပ်မတော် အရာရှိတချို့ရဲ့ ရင်ဖွင့်သံများကို တင်ပြပေးလိုက်ရပါတယ်။