Thursday 19 May 2011

ကရင့်မျိုးချစ်ပုဂ္ဂိုလ်များနှင့် တိုင်းရင်းသားခေါင်းဆောင်များအပါအ၀င် MKO မိသားစုဝင်များ တွေ့ဆုံပွဲ ၁၉၊ ၀၅၊ ၂၀၁၁။ စောအောင်အောင်(ကိုးဒီသွေး)

ကိုးဒီသွေး

၁၇-၀၅-၂၀၁၁ နေ့၊ ည ၈း၃၀ နာရီအချိန်တွင် ကရင့်မျိုးချစ်ခေါင်းဆောင်များဖြစ်ကြသော သြစတြေးလျ
မှဖထီးကနဲမီ၊ အင်္ဂလန်နိုင်ငံ Burma Campain(UK) မှ KNU ကိုယ်စားလှယ် နန့်ဘွာဘွာဖန်းနှင့် စင်ကာ
ပူမှ ကိုယ်စားလှယ်တို့က MKO သို့လာရောက်ပြီး တိုင်းရင်းသားဒုက္ခသည်ခေါင်းဆောင်များ၊ MKO မိ
သားစုအဖွဲ့ဝင်များအားတွေ့ဆုံကာနိုင်ငံရေး၊လူမျိုးရေး၊တော်လှန်ရေးအကြောင်းများကို ရှင်းလင်းပြောကြား သွားပါသည်။

ထိုပွဲသို့ ဧည့်သည်စုစုပေါင်း (၁၅၀)ခန့်တက်ရောက်ခဲ့ကြပြီး အမေးအဖြေ အစီအစဉ်နှင့်အတူ ရင်းနှီးပွင့် လင်းစွာ တွေ့ဆုံနှီးနှောဖလှယ်ခဲ့ကြပါသည်။

ပထမဦးစွာ MKO ဥက္ကဋ္ဌ မန်းစိန်သန်းက တက်ရောက်လာသူများကို တိုင်းရင်းသားခေါင်းဆောင်များနှင့်
တစ်ဦးချင်းစီ မိတ်ဆက်ပေးပြီး '' နန့်ဘွာဘွာဖန်း၊ ဖထီးကနဲမီတို့အနေနဲ့ အချိန်တိုလေးအတွင်း
မှာ လုပ်ဆောင်စရာရှိတာတွေကို အချိန်လုပြီး စီစဉ်လုပ်ဆောင်ရတဲ့အတွက် အထူးကျေးဇူးတင်ရှိ
သလို တက်ရောက်လာကြသူတွေကိုလည်း ကျေးဇူးတင်ရှိပါကြောင်း´´ အတိုချုံး ပြောကြားသွားပါသည်။

ဆက်လက်၍ ဖထီးကနဲမီက AKO ဥက္ကဋ္ဌအဖြစ်ဆောင်ရွက်နေချိန်တွင် MKO အဖွဲ့အစည်းပေါ်ပေါက်
လာရန်အုတ်မြစ်ချခဲ့ပြီး ယခုလို အောင်မြင်မှုအသီးအပွင့်များဖြင့် ဝေဆာနေတာကို လှိုက်လှဲစွာ ၀မ်းသာ
ဂုဏ်ယူမိကြောင်း၊ ကမ္ဘာတစ်ဝှမ်းရှိ (၁၃)နိုင်ငံတို့မှ ကရင်များ ကျစ်လစ်စုစည်းအောင် စည်းရုံးလုပ်
ဆောင်လျှက်ရှိကြောင်း၊ မန်မာပြည် အခြေအနေနှင့် အနာဂတ်သည် တိုင်းရင်းသားတို့၏ လက်ဝယ်
တွင်သာရှိပြီး ပြည်တွင်းရေးသည် တိုင်းရင်းသားအရေးဟု ခံယူမှသာ Lasting Peace ရနိုင်မည်ဖြစ်
ကြောင်း၊မိမိကိုယ်ကို ယုံကြည်မှု အပြည့်အ၀ထားရှိပြီး သူများကို အားမကိုးပဲ မိမိကိုယ်ကို အားကိုးခြင်း
သည် မိမိ၏ အရည်အသွေးကို မြင့်တင်ရာရောက်ကြောင်း ရှင်းလင်းပြောကြားသွားခဲ့ပါသည်။

Burma Campain(UK) နှင့် KNU ကိုယ်စားလှယ် နန့်ဘွာဘွာဖန်း(ယခင် KNU အထွေထွေအတွင်း
ရေးမှူးဟောင်း မန်းရှားလားဖန်းသမီး) ကလည်း KNU ဖွဲ့စည်းပုံ၊ လက်ရှိဖြစ်ပေါ်နေသောကရင်လူ
မျိုးများ၏ ဒုက္ခများနှင့် ဆောင်ရွက်ချက်များကို Slide Show ဖြင့် ပြသကာ ပြောကြားသွားပါသည်။

အမေးအဖြေကဏ္ဍတွင် `` ဖခင်ကြီးလုပ်ကြံခံရခြင်းကြောင့် လုံးဝတုန်လှုပ်အံ့သြခဲ့ရတယ်၊ ပြည်သူတွေ
ချစ်သောဖခင်ကြီးရဲ့ ရုပ်ကလပ်ရှေ့မှာ ငိုကြွေးနေကြတဲ့ ပြည်သူတွေကိုကြည့်ပြီးတော့ကိုယ့်ကိုယ်ကို
တောင် ၀မ်းနည်းမနေနိုင်တော့ပဲ လူထုကြီးကိုပြန်ပြီးနှစ်သိမ့်ခဲ့ရတယ်။ အားကိုးရာမဲ့နေတဲ့ ပြည်သူတွေကို
တစ်ခုခုလုပ်ဆောင်ရမဲ့အသိစိတ်ကချက်ချင်းဝင်လာပြီး ခေါင်းဆောင်ကောင်းတို့ရဲ့ အားအင်ကို တည်
ဆောက်ယူခဲ့ရတယ်။´´ ဆိုပြီး ပြောကြားသွားခြင်းဟာဖြင့် အင်မတန်အတုယူစရာ ကောင်းခဲ့ရပါသည်။

နန့်ဘွာဘွာဖန်း၏ဖခင်ကြီး ပဒိုမန်းရှာလားဖန်းသည် (၁၄-၀၂-၂၀၀၈)နေ့၊ မဲဆောက်မြို့တွင် ဗမာစစ်
အစိုးရ၏ ကြိုးကိုင်မှုဖြင့် လုပ်ကြံခံခဲ့ရခြင်းဖြစ်သည်။

ဆက်လက်၍ စင်ကာပူကိုယ်စားလှယ်မှ လူမျိုး၊ စာပေ၊ ယဉ်ကျေးမှု၊ဘာသာစကားတို့သည် တဖြည်းဖြည်း
ပျက်သုဉ်းလျှက်ရှိပြီး ပြန်လည်ထိန်းသိမ်းရန်၊ တိုင်းရင်းသားအချင်းချင်း စည်းလုံးညီညွတ်ကြရန် ၊ စိတ်ဓါတ်
မြင့်မားကြစေရန် ဥပမာများဖြင့် တိုက်တွန်းပြောကြားသွားပါသည်။

တွေ့ဆုံဆွေးနွေးပွဲသည် ပွင့်လင်းနွေးထွေးမှုရှိပြီး ည(၁၂)နာရီတွင် ပြီးဆုံးသွားပါသည်။

No comments:

Post a Comment