Posts
2011-02-08
မြန်မာစစ်အစိုးရတပ်တွေဟာ ကေအန်ယူ ကရင်အမျိုးသား အစည်းအရုံး လက်အောက်ခံ တပ်မဟာ (၇) ဌာနချုပ် နယ်မြေကို အလုံးအရင်းနဲ့ စစ်ဆင်နိုင်ဖို့အတွက် နယ်ခြားစောင့်တပ် ပြောင်းလဲထားတဲ့ DKBA ခွဲထွက် ကရင်တပ်တွေကို ရှေ့တန်းက ထိုးဖောက်ဖို့ ညွှန်ကြားထားပေမဲ့ နယ်ခြားစောင့် တပ်ရင်းတွေက အမိန့် မနာခံပဲ ရပ်တံ့နေကြတယ်လို့ သတင်းရရှိပါတယ်။တိုးတက်သော ကရင်ဗုဒ္ဓဘာသာ တပ်ဖွဲ့ (DKBA) ကို နယ်ခြားစောင့်တပ်အဖြစ် အသွင်ပြောင်းရန် စစ်အစိုးရ၏ ဖိအားပေးမှုကို လက်မခံပဲ ပြန်လည် တိုက်ခိုက်နေသော ဗိုလ်နှုတ်ခမ်းမွေး ခေါ် ဗိုလ်မှူးချုပ် စောလားပွယ် ဦးဆောင်သည့် ခွဲထွက်အဖွဲ့မှ တပ်ဖွဲ့ဝင်များ ဖြစ်ပါသည်။ (RFA)
“တပ်မဟာ ၇ ဌာနချုပ်နေရာကို ရှင်းမယ်လေ၊ လာမယ်ဆိုတော့ အဲဒါ BGF တွေကို အရင် လာခိုင်းတာပေါ့နော်။ အဲဒါ သူတို့ BGF ကလည်း ငါတို့ မသွားရဲဘူး မင်းတို့ အရင်သွားဆိုပြီးတော့ သူမသွားချင်ဘူး၊ ငါမသွားချင်ဘူးနဲ့ နည်းနည်းလောက်ပဲ လာပြီးတော့ သူတို့ ရပ်နေတယ်။ ငါတို့ မသွားဘူး၊ မိုင်းရှိတယ်၊ သွားရင်တော့ မိုင်းထိမယ်ပေါ့။”
အဲဒိ နယ်ခြားစောင့်တပ်တွေကို စစ်ဆင်ရေး ကွပ်ကဲမှုဌာနချုပ် စကခ-၁၉ တပ်က အမိန့်ပေး ညွှန်ကြားနေတာလို့ သိရပါတယ်။
စစ်အစိုးရရဲ့ BGF နယ်ခြားစောင့်တပ် ပြောင်းလဲသွားတဲ့ ဒီကေဘီအေ တပ်ဖွဲ့ဝင်တွေက ကရင်တိုင်းရင်းသား အချင်းချင်း တိုက်ခိုက်ရမှာကို မလိုလားတဲ့အတွက် BGF နယ်ခြားစောင့်တပ်ကနေ ထွက်ပြေးပြီး ကေအန်ယူနဲ့ ပြန်လည် ပူးပေါင်းလာမှုတွေဟာ ပြီးခဲ့တဲ့ ဇန်နဝါရီလကစလို့ သိသိသာသာ တိုးများလာတယ်လို့ ကေအန်ယူ တပ်မဟာ (၇) အရာရှိတွေက ပြောပါတယ်။
RFA
No comments:
Post a Comment