Friday 11 March 2011

ဝေါ်လေအနီးမှာ မိုးချုပ်တဲ့အထိ တိုက်ပွဲတွေ ဆက်လက်ဖြစ်ပွားနေ


ယနေ့ ညနေ ၅ နာရီခွဲလောက်မှာ ဝေါ်လေနဲ့ ကနဲလေးကြားနေရာမှာ နအဖ ခမရ ၂၄၆၊ ၄၀၄ ခလရ ၃၁၀၊ ၉၇၊ လေးဖွဲ့ပေါင်း ရိက္ခာပို့ ပြန်လာတဲ့ စစ်ကြောင်းကို ကေအန်ယူ တပ်ရင်း ၂၀၁ မှ တိုက်ခိုက်ခဲ့ရာ ဒုဗိုလ်တဦးအပါအဝင် ၅ ယောက်သေဆုံးကာ ၃ ယောက် ဒဏ်ရာရခဲ့တယ်လို့ သတင်းရရှိပါတယ်။
ဆက်လက်ပြီး ၆ နာရီလောက်မှာ ကနဲလေးနေရာ အနီးနားမှာပဲ ကေအန်ယူ ၂၀၁ တပ်ရင်းနဲ့ ရိက္ခာပို့လာတဲ့ နအဖ တပ်ဖွဲ့တွေ တိုက်ပွဲတွေ ထပ်ဖြစ်နေတယ်လို့ ထပ်မံကြားသိရပါတယ်။ ဒီ ထိတွေ့မှုမှာတော့ ကေအန်ယူ က နအဖကို အနီးကပ်တိုက်ခိုက်ခဲ့ပြီး တိုက်ပွဲဖြစ်ပွားတာ နာရီဝက်လောက် ကြာခဲ့ပါတယ်။ ဒီတိုက်ပွဲမှာ နအဖ ဘက်က ၉ ယောက်သေ ပြီး ၁၁ ယောက်ဒဏ်ရာရရှိခဲ့တယ်လို့ သတင်းရရှိခဲ့ပါတယ်။
ဒီနေ့တိုက်ပွဲတွေ အခြေအနေနဲ့ ပတ်သက်ပြီး ဝေါ်လေအနီးက ရွာသားတဦး ပြောပြတာက…
“ပစ်သံခတ်သံတွေကတော့ မိုးလင်းကတည်းက စကြားနေရတာပဲ ခု ညမိုးချုပ်တဲ့ အထိပဲ၊ ကျနော်တို့က အသံပဲ ကြားနေရတာ၊ ဒီတပတ်ထဲမှာကိုပဲ တိုက်ပွဲသံတွေက နေ့တိုင်းနီးပါးလောက် ကြားနေရတယ်” လို့ ပြောပြသွားပါတယ်။
ဒီကနေ့ တနေ့ထဲမှာကိုပဲ ဝေါ်လေဝန်းကျင်မှာ တိုက်ပွဲ ၄ ပွဲ ဖြစ်ပွားခဲ့ပါတယ်။ မနက် ၇ နာရီ သေပေါပိုးနားက တနဲအုကလိုးမှာ တကြိမ်၊ မနက် ၁၀ နာရီ ကနဲ့လေး နားမှာ တကြိမ်၊ ယခု ညနေ ၅ နာရီခွဲနဲ့ ၆ နာရီပါဆို လေးကြိမ်ဖြစ်ခဲ့ပါတယ်။ ဖြစ်ခဲ့တဲ့ လေးကြိမ်းမှာ နအဖ ဘက်က အားလုံးပေါင်း ၁၉ ယောက်သေဆုံးပြီး ၁၈ ယောက် ဒဏ်ရာရခဲ့ပါတယ်။ ကေအန်ယူဘက်က ထိခိုက်မှုမရှိဘူးလို့ သိရှိရပါတယ်။

No comments:

Post a Comment