သံတူကြောင်းကွဲ မြန်မာ့နိုင်ငံရေး

အမျိုးသားညီလာခံဓါတ်ပုံ

ဆောင်းပါးရှင် - ဗိုလ်ရဲထက်

  မြန်မာ့နိုင်ငံရေး တိုးတက်ဖြစ်ထွန်း ပြောင်းလဲလာပါသည်ဟု ယခုအခါ နိုင်ငံတကာ အသိုင်းအဝိုင်းနှင့် ပြည်သူများက ခံစားပျော်ရွှင်နေကြသော အချိန်အခါတွင် ယခုကဲ့သို့ မိမိပြောဆိုခြင်းနှင့် ပတ်သက်ပြီး အဆိုးမြင်ဝါဒီ တစ်ယောက်ကဲ့သို့ မြင်နိုင်ဖွယ် ရှိသည်ကို နားလည်ပါသည်။ သို့သော်လည်း မိမိတို့ စာရေးဆရာ ဟူသည်မှာ မိမိမြင်သည့် အမြင်များနှင့် သိရှိထားသည်တို့ကို စာဖတ်သူ ပရိတ်သတ်များထံသို့ တင်ပြကြရခြင်းသည် တာဝန်တရပ် ဖြစ်ပေသည်။
ဆောင်းပါးခေါင်းစဉ်ကို အဘယ်ကြောင့် သံတူကြောင်းကွဲ မြန်မာ့နိုင်ငံရေးဟု တင်ထားသနည်း။ လက်ရှိ မြန်မာ့နိုင်ငံရေးသည် အခြေအနေ အချိန်အခါများသာ ပြောင်းလဲ သွားသော်လည်း သွားနေသည့်လမ်းသည် ယခင်နဝတ အစိုးရလက်ထက်က ကျင့်သုံးခဲ့သည့် နည်းလမ်းဟောင်းပုံစံ ဖြစ်နေသောကြောင့်ပင်ဖြစ်သည်။
အဘယ်ကဲ့သို့ တူညီပါသနည်းဟု မေးသော် ဖြစ်စဉ်များကို နှိုင်းယှဉ် သုံးသပ်ကြည့်ရာဝယ်……… ၁၉၉၀ ခုနှစ်က ရွေးကောက်ပွဲ ပြုလုပ်ပေးသည်။ တဖက်မှ တစည ပါတီကို အမာခံပါတီ အနေဖြင့် ပါဝင်စေခဲ့သော်လည်း အမျိုးသား ဒီမိုကရေစီအဖွဲ့ချုပ်မှ အပြတ်အသတ်ဖြင့် အနိုင်ရခဲ့သည်။ သို့သော်လည်း အကြောင်း အမျိုးမျိုးပြကာ အာဏာလွှဲပြောင်းပေးခြင်း မပြုခဲ့ဘဲ ၁၉၉၃ ခုနှစ်တွင် National Convension (အမျိုးသားညီလာခံ) ကို ခေါ်ယူကျင်းပခဲ့သည်။ ထိုသို့ ခေါ်ယူကျင်းပရန်အတွက် နဝတ အစိုးရဘက်မှ တိုင်းရင်းသား လက်နက်ကိုင်တပ်ဖွဲ့များအား ငြိမ်းချမ်းရေး ကမ်းလှမ်းကာ အာဏာရှင်စိတ်ကြိုက် နားလှည့်ပါးရိုက် ပြုလုပ်ခဲ့ကြသည်။

တပိုင်းတစ ခွဲထွက်အဖွဲ့များကို လူမျိုးစု ကိုယ်စားလှယ်များအဖြစ် တင်မြှောက်ပြီး ယင်းတို့စိတ်ကြိုက် ပြုလုပ်ခဲ့ကြသည်။ ထိုမှ ၁၉၉၅ ခုနှစ်တွင် အမျိုးသား ဒီမိုကရေစီအဖွဲ့ချုပ်မှ အမျိုးသားညီလာခံကို ဆက်လက် တက်ရောက်ခြင်း မရှိသည်မှ အစပြုကာ ရပ်နားထားပြီး ၂၀၀၃ ခုနှစ်တွင် ပြန်လည်ကျင်းပခဲ့ကာ ၂၀၀၈ ခုနှစ် ဖွဲ့စည်းပုံ အခြေခံဥပဒေကို တဖက်သတ် အတည်ပြု ပြဋ္ဌာန်းခဲ့ကြသည်။ ၂၀၁၀ ခုနှစ် ရွေးကောက်ပွဲကို ယင်း ၂၀၀၈ ခုနှစ် အခြေခံ ဥပဒေအရ ကျင်းပပြုလုပ်ခဲ့ကြပြီး ၁၉၉၀ ခုနှစ် ရွေးကောက်ပွဲ ကဲ့သို့ မဟုတ်ဘဲ ယင်းတို့၏ အမာခံ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီမှ အပြတ်အသတ် အနိုင်ရရှိအောင် နည်းလမ်းပေါင်းစုံဖြင့် စနစ်တကျ ပြုလုပ်ခဲ့ကြသည်။
NLD နဲ့ ဒေါ်အောင်ဆန်းစုကြည်အား လှုပ်ရှားခွင့်မပေးပဲ ကြံ့ဖွံ့အနိုင်ရရှိရေးအတွက် စီစဉ်ထားသောကြောင့် ၁၉၉၀ ခုနှစ် ရွေးကောက်ပွဲနဲ့ မတူခြင်းဖြစ်ပါသည်။ တစ်ယောက်ထဲပြေးတာ ပထမ ဆိုသလို မျက်နှာပြောင်တိုက်ခဲ့ကြသည်။ ထိုမှ ရှေးယခင်အတိုင်း တိုင်းရင်းသား လက်နက်ကိုင်တပ်ဖွဲ့များနှင့် ငြိမ်းချမ်းရေးစကား ကမ်းလှမ်းပြီး National Convension (အမျိုးသားညီလာခံ) တစ်ခုကို ထပ်မံကျင်းပရန် ပြင်ဆင်နေပြန်သည်။ ဤဖြစ်စဉ်နှစ်ခုတွင် မိမိတို့ မြင်နိုင်သည်မှာ နောက်ခံကားချပ်အနေဖြင့် စစ်အစိုးရ အုပ်ချုပ်မှုနောက်ခံနှင့် ဒီမိုကရေစီအမည်ခံ အရပ်သား လွှတ်တော်အစိုးရတရပ် ဖြစ်နေသည်။

ယခင်က နိုင်ငံရေးအရ တင်းကြပ်ထားပြီး ယခုအခါ နိုင်ငံရေးအရ လွတ်လပ်မှုအချို့ကို ပေးထားသည်။ သို့သော်လည်း လွတ်လပ်ပြီဟု ပြော၍ကား မရသေးသော အခြေအနေဖြစ်သည်။ နိုင်ငံရေးအကျဉ်းသားအချို့ ကျန်ရှိနေသေးခြင်း၊ တပ်တွင်းမှ အခြေအနေမှန်များကို ဖော်ထုတ် ရေးသားနေသူ လေတပ်မှ အရာရှိသုံးဦးအား နှစ်ရှည်ထောင်ဒဏ် ချမှတ်ခြင်းနှင့် အခြားအခြားသော အကြောင်းအရာ များစွာတို့သည်လည်း ဖြစ်ပျက်နေဆဲပင် ဖြစ်ပါသည်။
နောက်ခံအခြေအနေ ပြောင်းလဲသော်လည်း သွားနေသည့် လမ်းကြောင်းများမှာတော့ ထူးမခြားနား ဖြစ်နေသည်ကို တွေ့ရှိနေပါသည်။ ဤတွင် မိမိတို့အနေဖြင့် မေးစရာ မေးခွန်းတစ်ခု ပေါ်လာပါသည်။ ယင်းကား မိမိတို့ တိုင်းပြည်အတွက် တောင်းဆိုခဲ့ကြသည်မှာ အဘယ်နည်း။ ဦးနေဝင်းလက်ထက် အာဏာသိမ်းခံခဲ့ရစဉ် ကတည်းက မိမိတို့ တောင်းဆိုခဲ့ကြသည့် နိုင်ငံရေးရည်မှန်းချက်သည် ဒီမိုကရေစီလော၊ ဖက်ဒရယ်လော။ ယခုမူ ဒီမိုကရေစီအစိုးရ ဖြစ်သွားသည်ဆိုသည်နှင့်ပင် မိမိတို့မှာ ရည်မှန်းချက် ရောက်သကဲ့သို့ ဖြစ်နေကြပါသည်။
ဒီမိုကရေစီ ဖြစ်တိုင်း ဖက်ဒရယ်ကို လက်ခံကျင့်သုံးရန် အလေးသာမည်လော။ ဤသည်ကို သမိုင်းနမူနာ ကြည့်မည်ဆိုလျှင် ၁၉၆၁ ခုနှစ်တွင် ရှမ်းပြည်နယ် စော်ဘွားများမှ တင်သွင်းသော ၁၉၄၇ ခုနှစ် အခြေခံဥပဒေ ပြင်ဆင်ရေးမူ သို့မဟုတ် တောင်ကြီးမူကိစ္စတွင်ပင် ဗိုလ်ချုပ်နေဝင်း ဦးဆောင်သော စစ်တပ်က လက်မခံဘဲ ၁၉၆၂ ခုနှစ် တွင် အာဏာသိမ်းကာ ဘီလူးက ကပြခဲ့ပါသည်။ ယခု ၂၀၀၈ အခြေခံဥပဒေတွင်ကား ဘီလူးက ကပြရန် မလိုသလောက် ပြီးပြည့်စုံနေပါသည်။
အခြေခံဥပဒေပါ ပြဋ္ဌာန်းချက်အရ ပြည်ထောင်စုအတွက် အန္တရာယ်ရှိနိုင်သည် ဆိုသည်နှင့်ပင် စစ်တပ်က အာဏာသိမ်းနိုင်ခွင့် အပြည့်အဝ ရရှိထားပြီး ဖြစ်ပါသည်။ဤအခြေအနေမျိုးတွင် မိမိတို့တိုင်းရင်းသား ကိုယ်စားလှယ်များ မည်သို့ တောင်းဆိုကြမည်နည်း။

KNU နှင့် ငြိမ်းချမ်းရေး ဆွေးနွေးနေစဉ်

   လက်ရှိ အပစ်ရပ် ငြိမ်းချမ်းရေး စကားဝိုင်းများတွင်ပင် လောလောဆယ် အပစ်ရပ်ရေးသည်သာ ပဓာန၊ နောက်ပိုင်းအတွက် အမျိုးသားညီလာခံတစ်ခု ခေါ်ယူကျင်းပပေးမည် ဟူ၍သာ လက်ရှိ အစိုးရဘက်မှ ပြောကြားနေပါသည်။ ဤသည်ကို မိမိထက် ဝါရင့်သဘာရင့် ပုဂ္ဂိုလ်များ သတိပြုမိ ကြပေလိမ့်မည်။ သို့သော်လည်း ပညာရှိသတိဖြစ်ခဲ ဆိုသည့် မြန်မာစကားပုံ တစ်ခုကဲ့သို့ သမိုင်းနောက်ပြန် လှည့်သွားမည်ကို မိမိအနေဖြင့် စိုးရိမ်လှပါသည်။ နောက်ကြောင်း ပြန်မလှည့်ပါဟု လက်ရှိအစိုးရအဖွဲ့မှ အာမခံထားပါသည်။ သို့သော်လည်း မည်သို့ အာမခံနိုင်မည်နည်း။ ဤသည်မှာ တိုင်းရင်းသား ပြည်သူအားလုံး၏ အရေးကိစ္စနှင့် တိုင်းပြည်ကိစ္စ ဖြစ်ပါသည်။ နိုင်ငံရေးအရ ပွင့်လင်း မြင်သာမှုများရှိသည် ဒီမိုကရေစီဖြစ်ပြီ ဆိုသည်နှင့်ပင် မိမိတို့အနေဖြင့် ဦးတည်ချက် မရောက်ရှိသေးသည်ကို နိုင်ငံသူ နိုင်ငံသားတိုင်း သိရှိထားရန် လိုအပ်လှပါသည်။
မိမိတို့သွားမည့် လမ်းကြောင်းသည် ဖက်ဒရယ်မူ တနည်း ကိုယ့်ကြမ္မာ ကိုယ်ဖန်တီးနိုင်ခွင့် ရရှိရန် ဖြစ်ပါသည်။ ဤအတွက် လက်ရှိ အစိုးရခေါင်းဆောင်ပိုင်းနှင့် တပ်မတော်အသိုင်းအဝိုင်းမှ မည်မျှထိ နားလည် လက်ခံပေးထားသနည်း။ ပြည်သူပြည်သား အများစုကကော ဖက်ဒရယ်ကို မည်မျှ နားလည် လက်ခံထားသနည်း ဆိုသည့် မေးခွန်းကို ထုတ်ရန် လိုအပ်လာပါသည်။ ဒေါ်အောင်ဆန်းစုကြည်နှင့် အမျိုးသား ဒီမိုကရေစီအဖွဲ့ချုပ်မှ ပါလီမန်သို့ (၄၃) နေရာ ဝင်ရောက်နိုင်သည် ဆိုသည်နှင့် ယင်းပြဿနာများကို မည်မျှ ဖြေရှင်းနိုင်မည်နည်း။ မိမိအမြင်ကို ပြောရလျှင်မှု အမှန်တကယ်သာ လက်ရှိ အစိုးရအနေဖြင့် ပြုပြင်ပြောင်းလဲရေးကို လိုလားသည်ဆိုလျှင် ယခုကဲ့သို့ အပစ်ရပ်ရန် လုပ်နေရုံမျှဖြင့် မပြီးစီးပါ။ ထို့ပြင် လက်ရှိငြိမ်းချမ်းရေး ကိုယ်စားလှယ်များကို ပြောသကဲ့သို့ နောက်မှ ပြောကြတာပေါ့ ဆိုသော စကားလုံးများ ပြောနေရန် မလိုပါ။ ထို့ပြင် အဖွဲ့အစည်းများကိုလည်း ယင်းတို့စိတ်ကြိုက် အဖွဲ့ကိုသာ တွေ့ဆုံရန် မလိုအပ်ပါ။
ယာယီအားဖြင့် တစ်နိုင်ငံလုံး အတိုင်းအတာဖြင့် အစိုးရတပ်များကို အပစ်အခတ်ရပ်စဲရန် တရားဝင် ကြေငြာချက်ထုတ်ကာ ဖယ်ဒရယ်မူအတွက် သက်ဆိုင်ရာ တိုင်းရင်းသားများ ရေးဆွဲထားသော ဖယ်ဒရယ်မူကို တင်သွင်းခြင်း၊ ပြည်ထောင်စုအဆင့် နိုင်ငံတော် ဖွဲ့စည်းအုပ်ချုပ်ပုံ အခြေခံဥပဒေကို ပြင်ဆင်ရေးဆွဲခြင်း၊ ပြည်နယ်လိုက် ဖွဲ့စည်းအုပ်ချုပ်ပုံ အခြေခံဥပဒေများ တင်သွင်းခြင်း၊ ပြင်ဆင်ခြင်း၊ ဖြည့်စွက်ခြင်းများအတွက် ကော်မတီဖွဲ့ကာ ဆောင်ရွက်စေရပါမည်။ မိမိစိုးရိမ်သည်မှာ အမှန်တကယ် အင်အားကြီးသူများအား သိမ်းသွင်းနည်းဖြင့် အတွင်းသို့ ခေါ်ယူထားပြီး နောက်ဆုံး တိုင်းရင်းသားတွေ ကိုယ်တိုင်က လက်ခံလိုက်ရပါတယ် ဆိုသည့်ပုံစံမျိုး လုပ်သွားမည်ကို စိုးရိမ်ပါသည်။ ထိုသို့ လုပ်လိမ့်မည်ဟုလည်း စိတ်တွင်ထင်နေပါသည်။ ဤသို့ဖြစ်လာမည် မဖြစ်လာမည်ကိုတော့ မိမိဆရာသမားတစ်ဦး၏ ပြောစကားအတိုင်း ငွေရောင်ပိတ်ကားပေါ်တွင် ဆက်လက် ရှုစားရမည်သာ။ မိမိအနေဖြင့် အဓိက ပြောကြားလိုသည်မှာ မိမိတို့ပန်းတိုင်သည် ဖယ်ဒရယ်ပြည်ထောင်စု တည်ထောင်ရန် ဖြစ်ပါသည်။ ယင်း ပြည်ထောင်စု စနစ်အပေါ်တွင် ဒီမိုကရေစီ ထွန်းကားရန် ဖြစ်ပါသည်။
ယခုကဲ့သို့သော ဖွဲ့စည်းပုံ အခြေခံဥပဒေဖြင့် ထာဝရငြိမ်းချမ်းရေးကို ပြီးပြည့်စုံအောင် မတည်ဆောက်နိုင်သေးပါ။ အချိန်မရွေး ထပေါက်ကွဲနိုင်သော အခြေအနေ ဖြစ်ပါသည်။ ထို့ပြင် မိမိတို့ ဦးတည်ချက် ရည်မှန်းချက်ကိုလည်း မပျောက်ပျက်စေလိုပါ။ မှုန်ဝါးမသွားစေလိုပါ။ တဖက်အပေါ် အလွန် ယုံကြည်မိလျှင် တပ်ဦးကျွံသွားလျှင် မိမိတို့ နစ်နာမည်ကို တွေးမိစေလိုပါသည်။ ယခုအခြေအနေများသည် ယုံကြည် စိတ်ချလောက်သည့် အနေအထားတွင် မရှိသေးသည်ကို တွေ့ရပါသည်။ ထို့ပြင် မိမိတွေးမြင်မိသည် တစ်ခုက တချက်ခုတ် နှစ်ချက်ပြတ် နိုင်ငံရေးကစားကွက်ကို နင်းမည်ဟုလည်း မြင်နေမိပါသည်။ အစိုးရသည် ဒေါ်အောင်ဆန်းစုကြည်နှင့် အမျိုးသား ဒီမိုကရေစီအဖွဲ့ချုပ်ကို လွှတ်တော်တွင်းသို့ တမင် နေရာပေးပြီး တိုင်းရင်းသားများနှင့်လည်း ငြိမ်းချမ်းရေး စကားပြောကာ အမျိုးသားညီလာခံကို ခေါ်ယူကျင်းပစေပါမည်။
ဤတွင် တိုင်းရင်းသားများကတော့ သေချာသည်က ဖက်ဒရယ်ကိစ္စကို တင်ပြကြမည်သာ ဖြစ်သည်။ အကယ်၍ ဒေါ်အောင်ဆန်းစုကြည်က မည်သို့မျှ လုပ်ဆောင်ပေးနိုင်ခြင်း မရှိဘဲ ဇာတ်မျောနေပါက ဒေါ်အောင်ဆန်းစုကြည် အနေဖြင့် နိုင်ငံရေး သေသွားနိုင်ပါသည်။ ထို့ပြင် တဖက်တွင်လည်း ဖက်ဒရယ် မရသဖြင့် တိုင်းရင်းသားများကလည်း မကျေမလည်ဖြင့် ပြန်လည် လက်နက်ကိုင် တိုက်ခိုက်နိုင်ပါသည်။ ဤသို့သော အခြေအနေမျိုးတွင် နိုင်ငံတကာ မျက်နှာပန်းလှရန် စီမံသမျှ ငြိမ်ခံကြမည်လား ထိုသို့ဖြစ်လာလျှင် တိုင်းပြည် ပိုမိုဆင်းရဲ ဆိုးဝါးမည် စသဖြင့် ခြောက်လုံးဖိလုံးများဖြင့် ဖိအားပေးပြီး ယင်းတို့စိတ်ကြိုက် စီမံကြလျှင်တော့ဖြင့် ……… သံတူကြောင်းကွဲ လက်ရှိမြန်မာ့နိုင်ငံရေး အခြေအနေများကို သတိထားကာ ဆင်ခြင်နိုင်ကြပါစေ….. မိမိတို့ ရည်မှန်းချက် ပန်းတိုင်သည် ရောက်ရန်ဝေးနေပါသေးသည် ဆိုသည်ကို မြင်သမျှ တင်ပြလိုက်ရပါသည်။